oneworld寰宇一家 航空會籍計劃及禮遇
oneworld寰宇一家係三大航空聯盟之一，現時oneworld而家有14間航空公司成員，當中每一間都有自己嘅會員計劃，例如國泰Marco Polo，分為綠卡、銀卡、金卡同鑽石卡，英航都係分4級，藍、銅、銀、金。但係每間公司有唔同嘅等級，申請資格同福利都唔同。
所以oneworld整咗個統一嘅會員等級，等大眾可以對照返，例如國泰嘅銀卡就等於oneworld嘅紅寶石，Royal Jordanian嘅Gold Sparrow就等於oneworld嘅藍寶石。而只需要持有其中一間嘅會籍，即可以乘搭其他成員航空公司時享用相對嘅福利。
oneworld成員
|
American Airlines 美國航空 （創始成員） |
British Airways 英國航空 （創始成員） |
Cathay Pacific 國泰航空 （創始成員） |
| Qantas 澳洲航空 （創始成員） | Japan Airlines 日本航空 | Qatar Airways 卡塔爾航空 |
| Finnair 芬蘭航空 | IBERIA 西班牙國家航空 |
Malaysia Airlines 馬來西亞航空 |
| Royal Jordanian 皇家約旦航空 | S7 Airlines |
SriLankan Airlines 斯里蘭卡航空 |
| Royal Air Maroc 摩洛哥皇家航空 | Alaska airlines 阿拉斯加航空 |
正如文章開首所講，現時oneworld總共有14間航空公司成員，當中包括近年新加入嘅Royal Air Maroc 摩洛哥皇家航空以及Alaska airlines 阿拉斯加航空 。另外，唔係上表嘅FIJI Airways係首間以oneworld connect partner身份合作嘅航空公司，雖然佢唔係oneworld成員，但如果持有Oneworld會籍乘搭FIJI Airways亦都可以享用部份福利。
oneworld聯盟 紅藍綠有乜分別？
oneworld會籍制度分為3級，由最低嘅紅寶石、藍寶石卡至最高級嘅綠寶石，佢地每個級別可以享受嘅福利都唔同，留意番，要搭oneworld機先享受到會員待遇㗎！
| 紅寶石 | 藍寶石 | 綠寶石 | |
| 使用商務櫃台辦理登機手續 | ✓ | ✓ | ✓ |
| 提前預選座位 | ✓ | ✓ | ✓ |
| 優先候補機位 | ✓ | ✓ | ✓ |
| 提前揀選優先座位或加長空間座位 | ✓ | ✓ | |
| 優先登機 | ✓ | ✓ | |
| 可使用商務貴賓室（可帶一位同行成員進入） | ✓ | ✓ | |
| 優先處理行李 | ✓ | ✓ | |
| 額外行李限額 | ✓ | ✓ | |
| 使用頭等櫃台辦理登機手續 | ✓ | ||
| 可使用頭等貴賓室（可帶一位同行成員進入） | ✓ | ||
| 快速安檢通道 | ✓ |
oneworld connect成員福利
oneworld connect簡單嚟講，就係oneworld connect partner只揀選四間oneworld member合作，而非同全部成員合作。好似作為首間同唯一一間oneworld connect partner嘅FIJI Airways咁，佢就係同美國航空、英國航空、國泰航空以及澳洲航空合作，除咗雙方嘅客人可以兌換對方嘅航班之外，亦都會為持有合作航空會籍嘅乘客提供福利。
| 優惠 | 顧客來自任何oneworld成員 並搭乘FIJI Airways |
顧客來自美國航空、英國航空、 國泰航空以及澳洲航空 並搭乘FIJI Airways |
FIJI Airways顧客乘搭 美國航空、英國航空、 國泰航空以及澳洲航空 |
| Check-In | – | 所有乘客 | 所有乘客 |
| 賺取里數 | – | 所有乘客 | – |
| 兌換里數獎勵 | – | 所有乘客 | – |
| 賺取會籍積分 | – | 所有乘客 | – |
| 優先Check-In | 紅寶石、藍寶石、綠寶石 | 紅寶石、藍寶石、綠寶石 | Tabua Plus持有人 |
| 優先登機 | 藍寶石、綠寶石 | 藍寶石、綠寶石 | Tabua Plus持有人 |
| 可進入指定貴賓室 | – | 藍寶石、綠寶石 | Tabua Plus持有人 |
Marco Polo會籍 對應 oneworld會籍
剛才提過唔同航空公司嘅會籍可以對應返oneworld會員，用香港最常見嘅Marco Polo做例子。
綠卡：對應唔到oneworld會籍
銀卡：紅寶石卡
金卡：藍寶石卡
鑽石卡：綠寶石卡
普遍嚟講航空公司會籍會比oneworld會員嘅待遇好，始終要留返啲好嘢益自家客。例如Marco Polo銀卡坐CX營銷嘅航班可以入國泰Lounge，仲有額外行李托運，但如果係其他航空公司嘅oneworld紅寶石，就只係得商務櫃位Check-in同埋優先揀位候補，都差幾遠。
另外，即使你係某航空公司嘅會員，但唔代表一定對應做oneworld會員。因為oneworld會員門檻較高，好似Marco Polo最低級嘅綠卡，就享受唔到oneworld會員嘅待遇喇。
Status Match 航空公司會籍配對
想成為oneworld會員，其中一個途徑係之前講嘅成為oneworld嗰14間航空公司嘅中高級會員，咁你就自動做埋oneworld會員啦。
同樣情況都可以在其他航空公司發生，首先你本身要係好客，令航空公司想直接畀張會員卡你。呢個叫做Status Match，唔係航空業獨有，酒店會籍都好興玩呢招。
即是，若果你有某間航空公司嘅金卡，係可以嘗試問吓其他公司會唔會畀到張銀卡你。其實好多間航空公司都接受Status Match，例如睇 statusmatcher.com ，國泰有成80%接受率！如果想申請國泰Status Match嘅話，可以連埋將會乘搭國泰嘅booking reference、現有另一間航空公司嘅會員卡副本以及飛行紀錄Email去theclub@cathaypacific.com，如果
咁做明顯都係想搶客啦，尤其係你過往飛行記錄靚仔，同佢哋經營嘅航線接近，消費又夠高的話，梗係想用高階卡勾引你啦！
戴返頭盔先，Status Match唔係一定成功，最後決定權喺航空公司度，成功定失敗唔試過冇人知，自己試吓就最清楚。
-
