常客計劃管理工具 AwardWallet使用教學
早前介紹過同樣用作一次管理多個常客計劃嘅Points.com，不過說實話Points.com無論係界面或是功能，都真係有種過時嘅感覺。而今次我地就會介紹同樣可以管理多個常客帳號，但比Points.com更好用介面更時尚嘅AwardWallet，擁有多個常客計劃，又想一次過管理嘅話就記得唔好錯過。
AwardWallet簡介
AwardWallet由Alexi Vereschaga於2004年成立，AwardWallet可以用作管理獎勵計劃餘額以及旅遊行程路線，現時總有效會員超過648,000人，支援超過700個忠誠計劃，當中包括航班、飯店、租車、信用卡等。
建立帳戶
進入網站後註冊帳號，填寫資料後便可完成。(連電郵認證都唔洗)
新增常客帳號
登入帳戶後，揀選「添加獎勵計劃以進行追蹤」，然後選擇想新增嘅常客計劃類別以及計劃。AwardWallet所包括嘅計劃類別非常廣泛，無論係常見嘅航空公司、酒店或者比較少港人用嘅郵輪、火車計劃都支援在內。另外，一個AwardWallet帳號可以新增多名使用者，可以一次管理多人嘅帳號。
選擇常客計劃後，填寫該計劃的帳號及密碼並進行同步，同步約數分鐘後便會完成。儲存密碼可以選擇儲存於網站或電腦內，如果覺得有私隱風險可以揀選儲於電腦內。
順帶一提，部份常客計劃因為受到航空公司警告，因此雖然本身支援但實際上而家已經唔用得，聯合航空就係其中一個例子…..
管理帳戶
完成添加帳戶後，可以於主面查看各帳戶等級狀態、積分數量以及積分到期日，咁就唔怕唔記得咗用積分搞到過期啦！另外，點選計劃可以查看現時計劃嘅推廣活動。
按帳號旁邊嘅加號可以查看帳戶資訊，例如摘要、歷史以及菁英等級等。
另外，AwardWallet亦可以查閱旅程以及預訂，只需同步郵箱就即可管理，非常方便。
總結
AwardWallet對於經常旅遊或是有多個常客計劃嘅使用者來講，可以話係非常方便，免卻逐個帳戶查閱個麻煩，只需要登入AwardWallet就即可以管理。另外，AwardWallet亦都設有更多功能嘅付費版，有興趣的話都不妨考慮使用。假如睇完呢篇文章覺得有用，不妨就立即點選此連結登記帳戶喇！
–
想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！
申請網址：stillmoney.com/s/Amex.Explorer
–
