Agoda VIP真係有用？ Agoda優惠碼訂房價格實測
早前講過四大酒店訂房平台嘅會籍條件以及福利，當中提及到Agoda嘅VIP會員雖然可以享有VIP折扣，但反而有機會折扣比普通會員更少，今次我地就實測到底使用Agoda VIP優惠，以及使用一般普通會員都可以使用嘅優惠，兩者之間差價到底有幾多。
Agoda VIP優惠
今次我地就以最近收到嘅Agoda Email所提供嘅兩個折扣優惠代碼做比較，Stay優惠碼聲稱下次旅程平96%，而LETSGO優惠碼則可以於最低消費達HK$1,200時扣減HK$80。
另一方面我地就到指定信用卡銀行可享7%嘅訂房網站，今次我地就以美國運通指定網站做例子，另外其實Agoda仲有同好多信用卡合作做7%推廣，當中包括：HSBC、CITI、東亞銀行、恒生銀行、DBS等等。
今次以2020年4月11日帝逸酒店嘅標準房大床價錢作比較
用Stay優惠碼雖然Agoda Email寫有96%折扣，不過一睇其實就知係打錯，最終只得4%折扣，連稅價錢HK$502.74。
至於用美國運通卡7%優惠，連稅後總共HK$488.55，比Agoda嘅VIP優惠平大約HK$14，假如訂嘅房價錢愈貴，兩者之間嘅差價就更遠！至於另一個優惠代碼LETSGO計到最抵都係得6.7%優惠，由此實證Agoda VIP優惠絕對可以話係個大伏！所以建議一心想玩酒店訂房平店會籍嘅朋友，就唔好考慮使用Agoda，轉玩其他酒店訂房平台會比較合適。（利申：雖然咁講，不過筆者最常用都係Agoda，口碑同介面始終都係感覺最好）
–
想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！
申請網址：stillmoney.com/s/Amex.Explorer
–
