【貴賓室介紹】台北桃園機場環亞機場貴賓室（第2航廈離境大堂A1區）Plaza Premium Lounge In Taiwan Taoyuan International Airport (Zone A1, Terminal 2)
台北桃園機場一共有四個環亞機場貴賓室，分別坐落於第一同第二航廈（每航廈各兩個），而今次要介紹嘅就係四個入面當中，充滿熱帶雨林Feel嘅一個貴賓室。雖然裝修無A區另一個環亞Lounge裝修咁華麗，面積亦都相對較細，食物種類較少（簡單啲講就係頹啲），不過設計就較開揚，亦人流亦都相對較少，如果同我一樣唔鍾意咁多人嘅話都推薦大家使用。
台北桃園機場環亞機場貴賓室（第2航廈離境大堂A1區） 位置及開放時間
桃園機場一共有四個環亞Lounge，分別係A區、C區、D區，以及今次介紹嘅A1區。
A1區Lounge位於第二航廈，由第二航廈離境大廳走大約三分鐘就到，位置都幾方便，而兩個環亞Lounge相距路程唔到一分鐘，如果時間充足又持有可以無限使用環亞Lounge嘅信用卡的話，可以順便入埋去行下兜個圈。（信用卡例如CX AE Elite可無限使用環亞機場貴賓室）
貴賓室營業時間：每日早上6時至晚上10時
台北桃園機場環亞機場貴賓室（第2航廈離境大堂A1區）設施
|
充電設施 |
航班展示板 |
報章及雜誌 |
| Wi-Fi | 餐飲美食（包括生啤及素食選擇） |
由於貴賓室較細，而且同層另一間環亞設有浴室，所以呢間Lounge係並無設立浴室。
台北桃園機場環亞機場貴賓室（第2航廈離境大堂A1區）貴賓室介紹
貴賓室設計開揚，如果唔鍾意咁焗促嘅環境的話，呢到都幾適合使用。
一如以往環亞貴賓室門口都係有航班展示版查看航班最新資訊，不過唔會有登機廣播，大家記得自己留意時間。
幾間主流報紙都可以係呢到免費拎嚟睇。
貴賓室佔地約175平方米，雖然佔地較細但都可以容納到大約一百人。
貴賓室環境
貴賓室環境
雖然細咗啲，不過呢到亦都設立現煮區，而且一共有三款菜式，分別係紅燒牛肉麵、台式雞肉飯同素豆皮烏龍麵。另外雖然都係環亞而且同樣設立於桃園機場，但四間環亞嘅現煮菜式都係各有不同。
除咗現煮之外仲有幾款熟食，當中包括台灣出名嘅茶葉蛋。
單講熟食質素都贏香港環亞幾皮。
至於現煮區今次就試咗雞肉飯，雞肉得個幾條而且味道比較淡，不過夾埋菜脯配飯就幾夾，想過吓口癮都OK，但唔好預期會好好食。
至於飲品方面，除咗照舊有汽水機、咖啡機、少量酒精飲品同埋台灣本地嘅罐裝飲品之外，仲有天仁茗菜嘅茶葉同埋一啲用樽裝住嘅飲料，例如豆漿、橙汁同蔓越莓汁等，都係台灣環亞Lounge嘅特色之一。
呢間貴賓室就揀咗Green Power Sport Drink嚟飲，味道頗怪，個人唔太喜歡。
之後飲番朱古力，味道都係照舊正正常常。
而甜品同生果就放咗係門口旁邊嘅雪櫃。
Lounge入面有三款甜品同埋蘋果供應，不過甜品質素都較幾麻麻，無特別想食嘅話都係慳番個肚好過。
總結
台北桃園機場環亞機場貴賓室（第2航廈離境大堂A1區）優點
- 位置開揚
- 人流較少
- 有現煮區
台北桃園機場環亞機場貴賓室（第2航廈離境大堂A1區）缺點
- 無浴室
- 食物種類較台北桃園另外三間少
雖然桃園四間環亞食物質素差唔多，但由於位置較細嘅關係，所以呢間環亞並無沙律吧同埋麵包區，而各項食物選擇種類亦都較少，所以建議以食為主嘅朋友可以用番A區個間。不過如果單純想休息吓嘅話，用呢個Lounge都不失為一個好選擇。
台北桃園機場環亞機場貴賓室（第2航廈離境大堂A1區）使用條件
- 持有指定信用卡（例如美國運通Explorer Card、美國運通白金卡、Citi PremierMiles信用卡）
- 持有Priority Pass
- 乘搭合作航空公司的商務艙或頭等艙
- 付費進入（旅遊網訂購約HK$237、官網訂購US$42）
- 使用Arrture積分兌換貴賓室使用券
–
想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！
申請網址：stillmoney.com/s/Amex.Explorer
–
延伸閱讀：
【貴賓室介紹】台北桃園機場環亞機場貴賓室（第1航廈離境大堂C區）
【貴賓室介紹】台北桃園機場環亞機場貴賓室（第1航廈離境大堂D區）
【貴賓室介紹】台北桃園機場環亞機場貴賓室（第2航廈離境大堂A區）
