住Grand Hyatt持有Globalist會籍 房同餐分開訂會抵過Package？
Grand Hyatt Hong Kong可以話係近期Staycation超熱門而且好評如潮嘅酒店，而佢嘅包餐Package同樣一直都好受歡迎。之不過到底直接買Package係咪真係最抵？今次我地呢篇文會以有Globalist會籍＋New World Club會員（免費申請）作前題，同大家分析一下到底直接訂包餐Package定分開訂會比較抵。
Globalist會籍＋New World Club會員
點解Globalist係必須持有，否則做唔到比較？原因就係因為Globalist有可以提供免費早餐福利。而假如無Globalist，計埋早餐嘅話其實一定係訂包餐Package會比較抵。另外由於Grand Hyatt喺星期五六入住，正常嚟講包嘅早餐會係喺Grand Club享用而非餐廳早餐，因此我地今次會以平日入住做例子，並且會以毋需24小時入住、泊車優惠下嘅前設作比較。
除此之外，今次嘅比較另一個前設就係持有New World Club會員，New World Club會員係免費申請入會，而且只要成功登記，就可以喺Grand Hyatt嘅餐廳享有最少85折嘅優惠。
Escape 24住宿優惠 – 精選美饌 比較
今次我地首先要比較嘅就係Escape 24住宿優惠 – 精選美饌嘅Package，到底呢個Package分開買定拆散買會比較抵？
|
客房＋套餐（已計算New World Club 85折） |
Escape 24住宿優惠 – 精選美饌價格 | |
| 茶園下午茶 | HK$1544.4＋$566.2 ＝ HK$2110.4 （少咗枝香檳） |
HK$2508 |
| 茶園自助午餐 |
HK$1544.4＋$870.2＝HK$2416.6 |
HK$2508 |
| 露天池畔餐廳自助晚餐 | HK$1544.4＋$1079.2＝HK$2623.6 | HK$2508 |
| 露天池畔餐廳自助早午餐 | HK$1544.4＋$1117.2＝HK$2661.6 | HK$2508 |
雖然散買茶園下午茶同自助午餐嘅價格較Package平，不過由於兩者都少咗飲品，所以呢個比較都唔太公平。而如果有興趣食露天池畔餐廳嘅話，選擇購買Escape 24無疑係會比較抵。至於港灣壹號由於資料不夠，因此就先唔喺到作比較。
不過注意番，由於Hyatt現時有非住宿期間餐飲3X Points嘅優惠，所以如果將Points嘅價值計算在內嘅話，就會係散買比較抵。
Escape 24住宿優惠－自助餐精選
精選美饌就睇落好似Package會抵啲，至於自助餐呢？之後我地就比較自助餐精選嘅Package，睇吓點訂會抵啲。
| 客房＋套餐（已計算New World Club 85折） 分開購買價格 |
Escape 24住宿優惠－自助餐精選 | |
| Grand Cafe 雙人自助晚餐 | HK$1544.4＋$1326.2＝HK$2870.6 | HK$3014 |
| Tiffin 雙人自助晚餐 | HK$1544.4＋$1383.2＝HK$2927.6 | HK$3014 |
無論係訂Grand Cafe定係Tiffin嘅自助晚餐，都明顯係分開訂會比較抵。而且跟Package仲限制咗必須喺抵達當天享用，如果Globalist想享受evening cocktail嘅話其實係會有啲撞（點食到咁多嘢）。再加上跟Package嘅話係會分兩段時段食，亦即係晚餐時間少咗一半！而如果分開訂嘅話就整個晚餐時段都可以慢慢食，兼可以有3X Hyatt Points，所以有Globalist又想食自助晚餐嘅話，分開訂係會比較低。
總結
今次嘅比較由於有毋需24小時入住以及泊車優惠前設嘅關係，所以都無辦法一概而論到底係訂Escape 24定係分開訂抵啲，最終都要視乎各位嘅實際需要，先可以講到點訂係最抵。不過今次嘅比較最少有一件事可以好肯定，就係並唔係任何情況下都係訂Package最抵。
–
想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！
申請網址：stillmoney.com/s/Amex.Explorer
