免費到機場會所餐廳用膳 CXAE Elite信用卡近水樓台餐廳優惠全攻略
CXAE Elite信用卡都做咗「近水樓台」或 Root98 Grab 『n』 Go嘅優惠一段時間，最近終於有時間去到近水樓台用膳，順便整咗個完整攻略比大家，想用呢個優惠又未去過嘅話不妨參考一下。
CXAE Elite信用卡 近水樓台優惠內容
優惠日期：2019年10月1日至2020年2月29日
優惠適用時間：星期一至星期六上午10時至晚上10時（公眾假期除外）
地址：二號客運大樓機場世貿中心7樓
使用條件：只要出示美國運通國泰航空尊尚信用卡以及當日嘅登機證，無論CX AE Elite主卡定附屬卡都用到架！另外去咗近水樓台嘅話，就無得用CXAE Elite係當日使用香港嘅環亞機場貴賓室同 Root98 Grab 『n』 Go嘅免費優惠。
注意事項
雖然優惠適用時間係星期一至星期六上午10時至晚上10時，但其實近水樓台嘅Last Order係晚上8時，所以去程其實都幾難預時間去，早機就肯定用唔到，而中午12點機嘅話都勉勉強強，食完就要急住去登機（注意餐廳係機場外面），而晚機10點打後嘅就建議網上Check定In用電子登機證，可以唔洗等櫃位開，不過就麻煩啲需要拎住行李去餐廳。
前往餐廳路線
Check完In又或者回港拎完行李之後，往巴士站方向走
繼續向前行
出到巴士站後向左行，往圖中前方位置
係右邊行六級樓梯（唔係連上橋個條）
睇到呢個指示牌，再向左邊行多十五秒左右，就到達機場世貿中心
餐廳介紹
近水樓台門口，職員會好似Plaza Premium Lounge咁係呢個位置要求出示CXAE Elite信用卡同Scan登機證。
餐廳環境
左邊推門出去就到達餐廳嘅室外位置
雖然室外位置望落係幾Chill，但呢個天氣出去都幾凍，兼且附近係一大堆地盤，所以呢個位吹陣風就唔錯，食嘢就唔好啦。
信用卡指定餐牌，定時會轉，所以只供參考。
湯同小菜分別揀咗酸辣海鮮豆腐羹同埋時果咕嚕肉嚟試，整體質素絕對係比想像中好食，由其海鮮豆腐羹真心好飲，真係落足料！
