大專生信用卡精選合集 一文睇晒邊張卡最啱用
相信唔少學生申請第一張嘅信用卡，都係恒生銀行嘅Enjoy卡，StillMoney亦都唔例外，不過長大咗開始研究信用卡之後，就好後悔學生時期無申請更好用嘅卡，為咗唔令更多人有遺憾，今次就同大家誠意推薦幾張大專生可以申請，並且真心好用嘅信用卡。
學生信用卡推薦 里數
美國運通國泰航空尊尚信用卡
大專生申請條件：八大院校學生
美國運通國泰航空尊尚信用卡都可以話係我StillMoney最常介紹嘅卡，里數兌換率頗佳之外仲附有一連串嘅優惠同福利，例如每年使用十次全球環亞機場貴賓室、附送國泰Marco Polo Club 綠卡會籍、免費旅遊保險（旅遊意外保障、旅遊延誤保障）等。
雖然講就話要收HK$1,800年費，不過年費係使用一年後先要收，而且一年內只要簽夠指定金額就可以Waive到年費，就算Waive唔到都只需要Cut卡就可以唔洗畀年費。
DBS Black World Mastercard
大專生申請條件：必須先申請DBS Compass Visa信用卡
DBS Black World Mastercard一向都係儲里數嘅常用信用卡之一，呢張信用卡同樣里數兌換率頗佳之外，最特別之處就係電子錢包增值都可以儲到積分。
注意學生申請DBS Black World Mastercard信用卡前，必須先申請DBS Compass Visa信用卡，並且確認收妥，先可以成功申請DBS Black World Mastercard卡架。
DBS Black World Mastercard詳盡介紹
學生信用卡推薦 現金回贈／里數
滙豐滙財金卡
大專生申請條件：無
滙豐滙財金卡個人認為係一張進化版嘅恒生enJoy卡，除咗同恒生enJoy卡一樣可以享受多項折扣優惠之外，仲可以參加最紅自主獎賞計劃，將獎賞錢放晒落同一個類別嘅話，可以有額外5倍分，最高可以有成HK$4.17＝里／2.4%現金回贈，而且繳交學費同樣有回贈，以學生卡嚟講絕對係個唔錯嘅選擇。（不過比較適合做輔助卡）
