【貴賓室介紹】台北桃園機場環亞機場貴賓室（第1航廈離境大堂D區）Plaza Premium Lounge In Taiwan Taoyuan International Airport (Zone D, Terminal 1)

介紹完三間桃園嘅Plaza Premium Lounge之後，終於嚟到位於Terminal 1 Zone D嘅最後一間。今次一口氣跑晒四間桃園Plaza Premium Lounge，總時間用咗大約個半鐘，順便儲咗400Arrture積分。雖然用咗唔少時間，但個人認為都幾值得一次過參觀晒四間環亞，咁樣先知道原來同一日嘅Plaza Premium Lounge，飲食選擇上都可以有咁多不同之處，而自己日後亦都有心水嘅貴賓室選擇。如果各位唔知邊間好用，都可以借呢幾篇文章參考一下，而文章結尾亦都會有個桃園四間環亞嘅小總結。

唔講咁多廢話，而家就立即介紹Terminal 1 Zone D嘅Plaza Premium Lounge。

位置及開放時間

桃園機場一共有四個環亞Lounge，分別係A1區、A區、C區，以及今次介紹嘅D區。

D區Lounge位於Terminal 1嘅四樓，由過關後走大約四分鐘就可以到達。順帶一提，C區同D區中間夾住一個環亞嘅免費貴賓室，唔洗畀錢同持有指定信用卡都可以免費使用，想搵個地方免費坐吓充吓電嘅話，去嗰到就啱晒。營業時間為24小時。

設施

貴賓室介紹

貴賓室接待處，牆壁上有台灣形狀嘅圖案，非常具特色（圖片取自官網）

同Terminal1 C區一樣，門口位置都係放置六角形嘅單人座椅。

而門口亦都如常有航班展示版。

往前走就可以見到電視以及報章雜誌擺放嘅位置，而Lounge嘅左右側都各有一個梳化區，可以係裡面小眠一下。

梳化區座椅

貴賓室用餐區，貼近自助餐飲區嘅位置仲有幾張長桌，一大班朋友入Lounge嘅話都可以坐埋一齊食飯。

另一個角度，T1兩個Lounge都幾少人。

至於食物方面，沙律吧無論食物定係擺設都同C區極為相似，似到差啲以為自己又Post咗C區嘅相

飲品方面，雪櫃除咗放咗三種台式飲品之外，亦都有瓶裝嘅牛奶、豆漿、柑枯檸檬同蔓越莓汁提供。

瓶蓋上有寫係咩嘢飲

紅白酒以及啤酒機，另外亦都有汽水機同咖啡機。

港人最愛嘅天仁茗茶

熟食方面CD區係完全一樣（另外仲有魚柳不過未Fill）。

今次點餐料理中選擇咗牛肝葷蘑菇濃湯（牛肉麵同雞肉飯係另外兩個Lounge試咗），本身以為會同檳城國內線Plaza Premium Lounge一樣係罐頭湯味，點知意外地好飲，蘑菇味非常濃郁，可以話係必試之選之一。

總結

台北桃園機場環亞機場貴賓室（第1航廈離境大堂D區）優點

• 人流少
• 有浴室
• 開24小時

台北桃園機場環亞機場貴賓室（第1航廈離境大堂D區）缺點

• 自助熟食選擇較少

其實C區同D區係餐飲上嘅差別可以話係幾乎無，唔同嘅就只有貴賓室設計、營業時間同埋有冇浴室供應，D區可以話係進階版嘅C區Lounge，如果只揀一個用，喺Terminal 1相信選擇D區Lounge會比較好。

至於四個桃園嘅Lounge入面，食物選擇必然係T2嘅A區Lounge最多，其他三個相約，而相信台灣人亦都係因為呢個人原因，而大多選用A區Lounge。注意番T1 T2之間食物係有唔少分別，例如湯品、甜品、點餐料理都各有不同，而由於Menu會定時轉嘅關係，所以啱唔啱食都係睇彩數。當然，最後去邊個其實都要視乎番出發嘅航廈同埋時間限制，不過大家都可以用作參考。

貴賓室使用條件

• 持有指定信用卡（例如美國運通Explorer Card、美國運通白金卡、Citi PremierMiles信用卡）
• 持有Priority Pass
• 乘搭合作航空公司的商務艙或頭等艙
• 付費進入（官網訂購US$43）
• 使用Arrture積分兌換貴賓室使用券

–

想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！

申請網址：stillmoney.com/s/Amex.Explorer

–

延伸閱讀：

【貴賓室介紹】台北桃園機場環亞機場貴賓室（第1航廈離境大堂C區）

【貴賓室介紹】台北桃園機場環亞機場貴賓室（第2航廈離境大堂A區）

【貴賓室介紹】台北桃園機場環亞機場貴賓室（第2航廈離境大堂A1區）