【貴賓室介紹】香港國際機場環亞機場貴賓室(鄰近60號閘口) Plaza Premium Lounge In Hong Kong International Airport(Near Gate 60)
鄰近Gate 60嘅Plaza Premium Lounge開咗幕就快三個星期，今次StillMoney終於有機會入去一探究竟
！有睇開小弟平時寫嘅貴賓室介紹嘅話，都知我成日會話香港嘅Plaza Premium Lounge差外國一截
，但估唔到今次新Lounge食物水準幾有驚喜，質素拍得住台灣嘅Plaza Premium Lounge！
位置及開放時間
鄰近六十號閘口嘅Plaza Premium Lounge位於一號客運大樓離港層7樓，由T1離境大廳出發行大約十五分鐘左右；或搭乘無人
貴賓室介紹
60號Lounge分開咗兩個Area，呢邊喺飲需要額外付費嘅Lavazza咖啡，所以長期都無乜人
Lavazza咖啡櫃台，由於無乜客嘅關係所以Staff亦都好少出現。
而另一邊就係大家主要會用到嘅自助餐飲區域，今次Plaza Premium Lounge用咗批同以往唔同嘅傢俱款式，都可以話係注目點之一。
鍾意以往40號Lounge開揚感覺嘅朋友可以選擇出面嘅位置，部份座位同樣可以望到飛機坪。雖然整個Lounge空間唔係話好大，不過而家總共有3間Loung
自助飲料方面今次Plaza Premium Lounge就改用汽水機代替以往嘅大雪櫃，對於想拎飲料上機嘅乘客嚟講係個小扣分位，不過減少紙包／罐裝飲包對環境嚟講就絕對係件好事。
另一邊亦都有兩部自助果汁機以及啤酒供應，仲有Now新聞台睇添！
沙律吧，同以往嘅Gate 40比算係進步唔少，多咗唔少蔬菜選擇，另外仲有乳酪提供添。
熟食-蘋果批&椰撻
講到熟食方面，今次新Lounge真係幾出色，好似眼前嘅法式西多士咁，好味嘅程度絕對拍得住出面餐廳，係呢個Lounge最推薦嘅美食。
同以往唔同，呢個Lounge嘅即點即煮區喺落餐後會派發感應器，煮完再通知取餐，絕對係香港Plaza Premium Lounge嘅一個大進步。早餐時段提供四款即點即煮膳食，PPL嘅王牌美食魚蛋粉固然之有，另外連Poached Egg都有就有啲驚喜。
今次除咗除咗腐皮湯麵之外，其他三項都有試到。Penne Arrabbiata可以話喺三項之中最普通，味道不過不失，不過影相打卡唔錯。
而招牌魚蛋粉味道就同以往相約，未試過嘅不妨一試。
Poached Egg可以話係早餐之中最吸引嘅即點選擇，擺盤美觀，雖然略嫌塊包硬咗少少，但絕對係呢個Lounge嘅必試美食之一。另外Lounge中午至晚上會提供著名嘅叉燒飯，今次朝早去就享受唔到，有機會再同大家分享。
最後提提各位，Gate 60嘅Lounge係並沒有浴室供應，想沖涼嘅旅客就不妨考慮使用同樣新開嘅35號Lounge喇。
總結
香港國際機場環亞機場貴賓室（鄰近60號閘口）優點
- 熟食質素高質
- 裝潢新淨
- 人流較少
香港國際機場環亞機場貴賓室（鄰近60號閘口）缺點
- 無浴室提供
Gate 60呢個Lounge可以話係Plaza Premium Group喺香港嘅一大突破，食物水準較以往提升咗唔少，因此如果對食物質素有要求嘅話，就建議唔好嫌遠，行多幾步去呢個新Lounge試試，特別有試過以往嘅Plaza Premium Lounge嘅話絕對可以感受到同以往嘅巨大差別。
貴賓室使用條件
- 持有指定信用卡（例如美國運通Explorer Card、美國運通白金卡、Citi PremierMiles信用卡等）
- 持有Priority Pass
- 乘搭合作航空公司的商務艙或頭等艙
- 付費進入（官網訂購US$42）
- 使用Arrture積分兌換貴賓室使用券
–
想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！
申請網址：stillmoney.com/s/Amex.Explorer
–
