非正規途徑買分 開分身登記活動 同一晚入住多間酒店之後果？Marriott Bonvoy 審核狀態介紹

Marriott Bonvoy呢個計劃近呢一年多咗唔少香港人認識，不過你又對呢個酒店計劃有幾了解，知唔知邊啲行為唔做得？今次就會同大家講吓Marriott Bonvoy嘅審核(Audit)狀態。

甚麼是審核狀態？

審核狀態即係Marriott Bonvoy嘅Loyalty Program Risk department認為你帳號裡面，有啲不尋常嘅交易、住宿或者其他舉動，因此暫時凍結你嘅帳號。

審核狀態下與平常有何不同？

你可以繼續住已經預訂咗嘅酒店，而Elite Status嘅Benefit亦都會繼續享受到。不過就唔可以經官網預訂、取消你嘅Booking（因為登入唔到），只可以透過電話或電郵直接向酒店預訂，並且預訂時講會員號碼就可以繼續將Booking落喺帳戶到。另外，由於進入審核嘅原因通常都離不開Points，因此審核時係唔可以用積分訂房架！

為何會進入審核狀態

進入審核狀態有唔同理由，主要原因為非正規途徑買分、開分身登記活動（大多為住二送一）、從事賣房行為以及經常同一晚入住多間酒店。另外有時都會無做任何唔啱規矩嘅嘢，就出現進入審核狀態嘅情況，呢個時候只要同Loyalty Program Risk department解釋番就得。

進入審核狀態如何解決？

如果真係有做到違規事項，只要同Loyalty Program Risk department說明以後唔會再犯，多數就會過一段時間後解封。不過據網上資料顯示，解封通常都需時一個月至一年不等，而最嚴重嘅可能會永久鎖帳，所以記得就唔好做違規嘅事情啦。

–

想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而只要喺2021年5月31日或之前成功申請，仲可以不論新舊客都拎到高達HK$4,200嘅迎新獎賞添！而家就立即申請啦！

申請網址：stillmoney.com/s/Amex.Explorer

–