現金回贈主流信用卡介紹

Asia Miles於2020年4月1日正式改制，加上受到疫情影響短期內無得出國，導致唔少儲開里數嘅都話要跳船轉玩現金回贈。今次就為大家介紹現時市面上幾張熱門嘅現金回贈信用卡，想申請新信用卡嘅話不妨參考一下。

現金回贈信用卡

滙豐滙財金卡／滙豐白金VISA卡 / 滙豐 Visa Signature 卡

滙豐滙財金卡入息要求：年薪HK$60,000／大學生毋需入息要求

滙豐白金卡入息要求：年薪HK$150,000／HK$100,000資產 

滙豐Visa Signature卡入息要求：年薪HK$360,000 / HK$400,000資產 

滙豐滙財金卡以及白金卡個人認為係一張進化版嘅恒生enJoy卡，除咗同恒生enJoy卡一樣可以享受多項折扣優惠之外，仲可以參加最紅自主獎賞計劃，只要將額外「獎賞錢」放晒落同一個類別嘅話，就可以有額外5倍分，金卡同白金卡本地簽賬最高可以有成2.4%現金回贈，而滙豐Visa Signature更有成3.6%現金回贈！另外仲有最紅網上及海外簽賬獎賞推廣，只要每階段簽夠HK3,000就可以享網上及海外簽賬2.4%「獎賞錢」回贈，認真吸引。

不過缺點就係唔中最紅類別時，本地簽賬只有0.4%回贈，因此呢張卡較為適合做一張輔助卡，最好配再搭另一張現金回贈信用卡使用。 

滙豐Red卡

滙豐Red卡入息要求：年薪HK$120,000

滙豐Red卡可以話係近年最吸引申請嘅一張信用卡。有別於上面三張滙豐卡，滙豐Red卡並不參與最紅計劃，回贈方式亦相對較為簡單，各項簽賬回贈率為：網上簽賬4%、本地超市簽賬2%、以及本地及海外簽賬1%。而且更無最低簽賬要求以及回贈上限，非常適合經常網購嘅人士申請。

渣打Simply Cash Visa卡

渣打Simply Cash Visa卡入息要求：年薪HK$96,000

覺得滙豐兩張信用卡都唔夠全面，想申請一張喺各類消費都有一定回贈嘅現金回贈卡？咁用渣打Simply Cash Visa卡就啱晒喇！呢張信用卡使用港幣簽賬可以享1.5%回贈，而外幣更享有2%回贈！渣打Simply Cash Visa卡可以話啱晒一啲唔想諗邊類消費有幾多%回贈，同時又想要現金回贈嘅人申請。

Citi Cash back信用卡

Citi Cash back入息要求：年薪HK$240,000

Citi Cash back於酒店、食肆以及外幣消費都享有2%現金回贈，而其他類別亦有1%回贈。雖然於其他類別例如零售簽賬略遜渣打Simply Cash Visa卡，但若果兩張卡一齊使用的話就可以喺各方面互補不足。加上Citi Cash Back迎新可以透過電子錢包賺取，因此仍然係一個大路嘅現金回贈信用卡嘅好選擇。

安信EarnMORE銀聯卡

EarnMORE銀聯卡入息要求：年薪HK$150,000／大專生

安信EarnMORE銀聯卡可以話係進階版嘅渣打Simply Cash，每年頭$200,000所有合資格簽賬都可以享有2%現金回贈，而即使過咗頭HK$200,000後都可以享有1%嘅現金回贈，回贈率非常吸引。而唯一缺點就係現時香港仍然唔係到到都收銀聯，因此呢張卡都係較為適合作為輔肋卡使用。

–

想用信用卡儲酒店積分、飛行里數或者直接抵銷簽賬，同時又可以去旅行個陣免費入機場貴賓室？新推出嘅美國運通Explorer Card就可以一卡做到！而家就立即申請啦！

申請網址：stillmoney.com/s/Amex.Explorer

–