Fact Check系列 永安酒店即時確認屬真屬假？

如果大家有試過用酒店格價網嘅話，可能都知喺永安訂酒店價格大多都比其他酒店網平，而唔少酒店嘅相關政策係寫住即時確認，睇落好似無乜問題咁，但如果大家有試過睇永安嘅「訂房條款及細則」，就會發現係第九項預訂確認時間條款到寫住：「當天提交的訂單一般在提交訂單後24小時內確認，如過了24小時還未回覆，系統會將訂單自動取消。」

條款及細則第九項

咁到底係即時確認，定係24小時內確認？為咗求證所以就打咗上永安客服問問。

最終客服嘅答案大約係咁：寫住立即確認嘅酒店同我地有合約，會分配一定數量嘅酒店畀我地，而整個過程就係先落訂，再視乎有冇更多人落單，如果有嘅話就會跟預訂順序先安排酒店畀早預訂嘅人，以先到先得嘅形式咁去處理，一般嚟講我地都會好快就寄酒店確認信畀你地，有好多時仲會連埋訂單確認一齊寄。」
我再問：「咁係咪即係即時確認並唔係即時確認？」
客服：「你都可以咁樣講」

咁到底永安嘅即時確認係指乜？再打多次電話問永安，永安就回覆即時確認只不過代表會快啲覆，因為每個Booking都要再確認，並非真係即時確認，所以T&C最後都寫24小時內確認。

總結而言，永安寫嘅即時確認並非即時確認，亦都因為呢個原因，永安係唔能夠去做其他酒店嘅BRG(最佳價格保證），亦都請各位訂房之前一定要睇清楚條款及細則。